Na Guida de Rodes prenda del cor, car fai
Sos bes grazir als pros e car toz bes li plai;
e gart lo ben e gen, car ad ella s'eschai,
que, si tot il val pro, tostemps en valra mai.
(...)

N'Agradiva, dompna de pretz razitz,
De cor, de cors e de faitz e de ditz
Suy vostres totz, quar etz la mielhs aybida
Neta e plazens, suaus et yssernida.
(...)

N’Agradiva, qui quez estei malvatz,
per vos azir malvestat et enjan
et am valor e joi e pretz e chan.
(...)

S’eu ai en mon ensegnamen
mostrat re, que plaz’a la gen,
ni s’eu re dic ni faz de be,
a n’Agradiva, don m’en ve 
lo cor e·l volers voluntos,
o grazisc’om;
(...)

Li baro·m volran mal de so que ieu dic be,
mas ben sapchan qu’ie·ls pretz aitan pauc quon ilh me.
Belh Restaur, sol qu’ab vos puesca trobar merce,
a mon dan met quascun que per amic no·m te.

Restaur, a vos mi ren a cui·m soi datz,
e mercei lei qe·m fetz, camjan, camjar;
q’ab son camjar si adiran mi fai
amar qui es la plus plazen[s] q’eu sai.

Per la Comtessa de Rodes valen
an ras lor cap cavalier mais de cen;
e s'en Sordels se vol gardar de failla,
son cap raira, o ia Deus non li vailla.
(...)

Si co·l soleill[z] esfassa, quan resblan,
autras clardatz, vai de pretz esfasan
autras dompnas la comtess’am cors quar,
sil de Rodes, [s]es ma domn’esfassar.

La comtessa no·m deu ges asirar,
s’ieu am ni pretz lei don sui hom sens par.

La comtessa valenz q’a prez prezan,
cylh de Rodes, jutge, amicx Bertran, 
nostra tenso, quar ylh viu ses eguansa
de mantener dompney, salvan s’onransa. 

Amicx Sordelh, la comtessa val tan
que ben la·i vuelh, mas ye·y met en Johan
de Vallari, qu’ab pretz d’armas s’enansa;
per qu’ie·lh tramet lo jutgamen en Fransa.