Ma domna Elena val tan
qe tuit bon aib li fan honor:
il jug lo ver, et eu sia aunitz
s'ella non ditz qe·us ai'envilanitz.

Segner N'Elena non soan,
mas a Montpaon hai segnor
q'e[s] lo plus larcs q'om sapch'e·l miels aibitz:
el si'ab leis, qe·l plaitz er meils partitz. 

Bernat, tot tems m'o tenriatz
e tot tems vos o tenria.
Pero tan val a tot plazer
ma dompna N'Elena en ver,
qu'ie·l prec q'en diga son semblan;
mas Mos Arditz me ditz, con q'an,
qe mil tanz val la partz mia.