Belh Cavalier, en vos ai m'esperansa,
E quar vos es del mon la plus prezans
E la plus pros, no mi deu esser dans
Quar vos mi des cosselh e·m fos fermansa.

Bels Cavalliers, per cui fatz sos e motz,
non sai si·m lais per vas o·m leu la crotz,
ni sai cum an ni sai comen remaigna,
que tant mi fai vostre bels cors plazer
q'ieu muor s'ie·us vei e, qand no·us puosc vezer,
cuich morir sols ab tot'autra compaigna.

Belhs Cavaliers, tant es car
Lo vostr' onratz senhoratges
Que cada jorno m'esglaio.
Oi me lasso que farò
Si sele que j'ai plus chiere
Me tue, ne sai por quoi?
Ma dauna, he que dey bos
Ni peu cap santa Quitera,
Mon corasso m'avetz treito
E mot gen favlan furtado.

Tart m'esjauzira,
Pos ja.m partira,
Bells Cavalhiers, de vos ab ira,
Q'ailhors no.s vira
Mos cors, ni.m tira
Mos deziriers, q'als non dezira;

Bels Cavalliers, vostr' amors mi guerreia,
E prec merce e franc' humilitat
C'aissi.us venssa cum vos m'avetz sobrat.

S'ie.y puesc atenher,
Be.m fes aut empenher
Mos Belhs Cavaliers,
Cant li.m plac senher
Lo bran per estenher
Jelos lauzengiers.

Lo rics pretz sobrecabls
De na Biatriz es tals
C'om no.l pot tot lauzan dire;
Mas endreig d'amor vos dic
De mon Bel Cavallier ric
C'a mais de pretz, et es vers,
Aissi n'ai' eu mos plazers!

Ja non cujei vezer
C'amors mi destreises
Tant que dompna.m tengues
Del tot en son poder,
Que contra lor orguoill
For' orgoillos, cum suoill,
Mas beutatz e jovens
E gentils cors plazens
E.il gai dich plazentier
De mon Bel Cavallier
M'ant faich privat d'estraing;

Doncs, qe.m val conquistz ni ricors?
Qu'eu ja.m tenia per plus rics
Qand er' amatz e fis amics,
E.m paissi' ab n'Engles amors;
N'amava mais un sol plazer
Que sai gran terr' e gran aver,
C'ades on plus mos poders creis
Ai major ir' ab mi mezeis,
Pois mos Bels Cavalliers grazitz
E jois m'es loignatz e fugitz,
Don mais no.m naissera conortz,
Per q'es majer l'ir' e plus fortz.

Bels Cavalliers, chausimens e merces
E·il fin' amors e·il sobrebona fes
Qez eu vos port mi deuria valer
Endreg d'amor, c'autre joi non esper.

Bels Cavaliers, vostr' amors mi conorta
E.m dona joi e m'alegr' e.m deporta,
Quant autra gens s'esmai' e.s desconorta.