Text
Ara lausetz, lauset, lauset
li comandamen l'abbet.
I
Bela, si vos eravatz moina de nostra maiso,
a profit de totz los moines vos pendriatz liuraso;
mas vos non estaretz, bela, si totz jorns enversa no;
zo dix l'abbet.
II
Bela, si vos voliatz en nostr'orden remanir,
gras capos ne grosses oches no·us poirian falir;
mas a vos covenra, bela, ab totz los monges jazir
ez ab l'abbet.
III
Er nos em .iiii. vint moines tuit d'una religio,
e qan l'uns fa tort a l'altre ab grans verges nos baton;
mas vos no seretz batuda si de colps de cuilos no;
zo dix l'abet.
IV
Si vos ez .iiii.xx. moines jo vulria mais de cen,
e serai·ne fort irea si no·us ren totz recreenz;
levarai vos la quintena, firetz tuitx ardiamen
ab vostr'abet.
V
Bela, anuit intraretz dinz en nostre dormitor,
de .I.iiii. moines vos en farem cobertor;
non ausirez sein ne clotxa si de vits sejornatz no;
zo dix l'abbet.
VI
Aras n'intra nostr'amia ab los fraires el dormitor
ja non exira la bela tro qe dessus e desor
li don l'abbet.
5 coblas singulars y una tornada de 3 versos. Refranh variable en el cuarto verso de cada cobla. La cobla I y III tienen la misma rima. Asonancia en la cobla V.