Non gart flor ni verdura
a chantar, tan m'agrada;
quar Sobrepretz m'atura
en joy e·l don'onrada
de Cardona prezada. 

A la Vezcomtesa plazen,
Na Toza, de Cardona·us ren,
c'amor no te pro, forçada.

Un exerop
faretz qui trop
er de gran carestia;
e metretz y
del pretz c'a fi
vezcomtes'on que sia,
de Cardona. 

Vezcomtessa mia, eu ço puc proar:
de pretz, en tot dia, le rics nom de Car-
dona gard' e guia vostre gen cors, car
no·n trop cortezia, e comenz' en car.

A Cardon', a tal domn' e tal seynor,
c'ab Sobrepretz cascu valor affina.

Vezcomtessa de Cardona, plazer
ay car valetz, e car tan vey valer
lo nostr' Enfan, qu'es entre·ls pros presatz.

Lieys del Cardo volgra chantan lauzar,
et a Na Sobrepretz merce clamar,
q'un pauc del fays qu'ieu port agues ni·lh cura.

La domna dels Cardos
e Sobrepretz m'agrada,
car say que·l platz l'amors
mas c'autr'en ve honors.

De la dona dels Cardos suy payatz,
e del Enfan, can pres luy m'asolatz.

De la domna dels Cardos suy lauzanz;
e Sobrepretz manda·m que·m get d'enjanz,
c'om pren mays dans per cels on pus se fia.

La domn'als Cartz e Sobrepretz an cap
d'enseynamen e de lau, ses tot gab.

La don'als Cartz e Sobrepretz an sen
e nostre Rey cor ab mais d'ardimen
(...)

Na Sobrepretz me fay viur' aspramenz,
e cil dels Cartz, ses sal, trop douçamenz;
e·l noble Rey soy lauzan ver dizens. 

La dompna dels Cartz honrada,
Sobrepretz, e·l rossynols
de may, e l'Enfan m'agrada. 

La don'als Cartz e Sobrepretz an nom
plazens per dir, e pretz fin, car e mon.

Sobrepretz dezir e·l Cartz am
e platz me·l reys aragones. 

Sobrepretz es bona e bell'e plazens,
entre·ls plazens e·l Cartz ab cortezia.

La dels Cartz es de pretz abrics,
e·l mante, qui que·l desmanteyna. 

Domna dels Cartz, Na Sobrepretz m'amena
razo qu'eu chan, don faz mon chanz divers.

Ab menzcap no cab, ans sab ses gab far cab
fi de totas valors

cil qu'es dels Cartz honors
e·l rey Peyre, a pretz sors. 

A la domna dels Cartz lais Deu be far,
e gen guardar Sobrepretz l'onor c'a.

La don'als Cartz e Sobrepretz sap far
totz quatre temps so don se fai lauzar. 

La domn'als Cartz volgr'ab gaug vezer
e Sobrepretz remirar e tener. 

La domn'als Cartz e Sobrepretz atura
valor ab si, e l'Enfans a cor ric
de mantener pretz e patz e dretura.

La domn'als Cartz eu blan,
mas Sobrepretz m'auci.

La domn'als Cartz mante rics faitz plasenz,
e Sobrepretz a laus entre·ls valens,
e·l rey Peyr'es de valor envejos. 

Sobrepretz am, e leys dels Cartz ben dir
vuyl, si be·l fay ses sal trop adoucir. 

La domn'els Cartz a cortezi'ee sen,
e·l nobl'Enfans valor, e sab far gen
ço c'a pretz tayn, e tan que·l savis di:
"Qui als seus fa be, el be no part de si".

La domn'als Cartz Deus e Sobrepretz gar
qu'eu say qu'en r no son d'ayço dubtanz,
ne·l cortes Rys, n'En Peyre·l nobl'enfanz.

Se Na Sobrepretz m'a grat
e sil dels Cartz a·m jay dat,
el Rey no·m par que·s noayll,
tan d'onrat fait s'apareyla. 

Domna dels Cartz e Sobrepretz, capteyn
faitz gen d'azaut luynan de tot mal geyn.
 

La domn'als Cartz e·l Reys mi fan plaser,
car fan dever en quant hom ve ez au.

La domn'als Cartz e Sobrepretz an ver
lau ab valor, e·l Reys sab tan valer
c'ab luy poretz, can sabretz, mays apendre.
 

Na Sobrepretz e leys dels Cartz honor,
e·ls reys frayres abdos an tan gazayn
c'ab leyaltat de tot vil fait m'estrayn.

Leys dels Cartz, Sobrepretz honor,
car pus estan en pretz ab bon coratge
qu'eriços can sotz pomer en boscatge. 
 

La domn'als Cartz e Sobrepretz conquer
laus, e l'Enfans mostra hom pros con quer
ço c'a pretz tayn ab valor qui·l cabdela. 

La domn'als Cartz m'agença,
mas Sobrepretz mi m'encensa,
e·l Reys vol aver valença
can dreit comença.

Sobrepretz lau e leys dels Cartz chantan,
e·l noble rey d'Arago, car val tan. 

Na Sobrepretz soste valor valenz,
e la domna dels Cartz fis pretz e senz. 

La domn'als Cartz, on que sia, lauzaray,
si tot ma renda·m laguia.

La domn'als Cartz mi platz,
c'om pot a dreit lauzar;
e no·us pot, si gardatz
Sobrepretz, mal anar.

La domn'als Cartz e Sobrepretz fan gen
tot fait plazen e·l reys se fay grazir
Peyr'e ben dir car es certz e gynnos. 

Sobrepretz blan, e leys dels Cartz volria
ab d'onor tan con eu deziraria. 

La domn'als Cartz, e Sobrepretz, sab far
totz faitz valens, per que sos rics affars
la fay valer, e l'Enfans sab be far.

La domn'als Cartz e·l Rey gart de falir
cil qui de may tria roz'e fa lir. 

Sobrepretz sens cuyndia ab sen natural
fay vos, e leys dels Cartz cabal. 

La domn'als Cartz a d'onor manentia,
e Sobrepretz valor e cortezia.

Sobrepretz sab del domn'als Cartz vezer,
lay on tayn, ditz e faitz si gen de ver. 

La domn'als Cartz porta seyna
de pretz c'ab valor enseyna.

Na Sobrepretz, can vos remir,
e leys dels Cartz, hay gran douçor.

La domna dels Cartz jatz
entr'onor e franqueza,
e Sobrepretz s'es meza
justa leys, per que·m platz.

Gauig ay can posc leys dels Cartz remirar
e Sobrepretz, si tot no·m deyn amar.