(...)
q' estiers autres amics no ·m vei
mas sol Ma Sogra, cui soplei,
q' es la mieiller e la plus pros
dompna que sia demest nos;
e ment qui que m'o desautrei.

E ja no s'en combat' ab mei
us cavalliers ni dui ni trei,
qu la mieiller e la plus pros,
bella Sogra, non siatz vos
e la gensser de nuilla lei;
(...)

Sogra, per vos estau joios,
francs e fins et humelios;

E car me fetz plorar
Ma Sogra, q' es bell' e bona,
Dampnedieu prec qe ·l cofona
o·l lais ab mi encontrar. 

Mout es cobes de manjar
e plens de gelosia,
per que no·l deu amar
midonz N'Estefania;

(...)

Sogra, no·us deu pesar,
si ben gardatz sa persona,
qe·l dia c'om lo repona
poiretz cent tans meillurar.

Sogra: Berga e Cardona
e Mon Sogr' ab la corona
m'an fayt de vos tant luynar.

Trop ai estat sotz coa de mouton
que non chantiei de ma dompna Ma Sogra,
de la genssor que anc noiris en terra
(...)
e, fe que·us dei, midonz, la pros de Berga,
et acuoil gen e coindej' et alberga. 

(...)

A vos m'autrei, bona dompna de Berga:
vos etz fins aurs, e vostres maritz merga.