Ab joi t'en vai,
chansos, en lai
vas Mo-Senhor, ab cui estai
pretz e cortezia!

Alegrar me volgr' en chantan
e chantar, per que m'alegres,
e si d'un sol pauc m'aiudes
Mos Bels-Senher, ai be talan
que ja per nauza ni per dan,
que·m cregues, no·m desconortes:

E cui parra greus l'aprendres
de mo chantar, no s'en laisse,
si no·l sui del dir eschas,
c'ab fi coratge l'ensenh,
si tot Mo-Senhor no m'ars,
si cuda qu fass' ab onh;
c'aissi l'escur com ebenh:
mo trobar ab saber prenh!

E com? Non ai receubut
assatz de ben e d'onor
de las mas de Mo-Senhor?
Si ai; mais an retengut!
(...)

Era·m torn en umil
vas Mo Bel-Senhor char;
ren als no·lh sai comtar
mas qu s'amors m'auci.

Bels-Senher, sofertatz
qu'eu chan! Ab c'o sofratz,
conosc be que·l comjatz
porta plus de mil gratz.

Senher Sobre-Totz, rics pensars
e jois e bona sospeissos
cresch' ades Mo-Senhor e vos!

D'aitan me posc vanar
c'anc mos ostals petitz
no fo d'els envazitz;
que·l vei per totz doptar
ni mo·m fetz mas onrar,
lo volpils ni l'arditz,
don mos Senher chauzitz
se deuria pensar
qu no l'es ges pretz ni laus ni bobans
qu'eu, que·m laus d'els, sia de lui clamans.

Can creis la frescha folh' e·l rams
e l'ombra s'espeiss' els defes,
m'agrada l'aur'e·l tems e·l mes
e·l gaps e·l ris e·l jois e·l chans
e·l dolz mazans,
que creis, can s'azina·l matis,
si no·m gandis
Mos-Senher convinens, e mans
fora m'enans
qu'eu fes un vers que fos per cels chantatz
cui pretz e jois e cortezia platz.

Razon e loc
e cor e sen
e grat de Mo-Senhor e mais
agr' eu, si pogues avenir
en un leu chantar conge,
(...)

(...)
mas be de leu cudatz
qu'eu per m'en si' iratz
o qu'en si' encolpatz
mos francs Senher onratz?
(...)

Pos me donet lezer
ses forsa de preiar
Mos-Senher de chantar
e mos trobars
fo per s'amor espars,
adonc m'ereup e·m ders
e falhira·m sabers,
si per mais que·lh deman
enquer com m'o desman.

E ges per so, si be·m ve len,
pois no mesfai,
car tot can ren fin amic jai
ni don' a chan pretz ni valor
trop en mo cor, s'aissi m'eschai
com esper de Mo Bel-Senhor.

(...)

si Deus me salva Mo-Senhor,
ai tal gazardo com s'eschai,
si fos de plus fin amador.

(...)

Que doblamen
meschaba qui so tort defen
e no·s n'estrai,
per qu'eu, si posc, me gardarai
que per ira ni per folor
no fassa mo bo sen savai
don perda·l joi de Mo-Senhor.

(...)

que ja per re no me partrai
del servizi de Mo-Senhor
ni eu, si posc, ja non aurai
fals cor trafa ni trichador.