A Beatris au cors gent,
ki s'emtemt,
canchon, te va presenter;
di li que canter
te fache, cer jou l'en pri.

Amours, pour ce que mes chanz soit jolis
vous ai nonmee avant premierement.
Et Deus gart hui toutes les Beatriz!
Tele ai nonmee a cest conmencement
qui pas ne m'ennoie.
Hui mes ne porroie
avoir nul torment,
c'a Amors me rent,
qui veut qu'en li croie.

Amors, la contesse en apel,
Se nuls hom ki a tel musel,
Doit par amors dame embracier.
Chastelains, venes moi aidier,
De Biaume, tost feres paroir
Lou droit et le tort enchëoir.