Na Beatritz de Monferrat s'enansa
quar totz bos faitz li van ades denans,
per qu'ieu dauri ab sas lauzors mos chans
e trai m'enan ab sa belha semblansa.

Tant gent comensa,
part totas gensa,
na Beatritz,       e pren creissensa
vostral valensa;
per ma credensa,
de pretz garnitz,       vostra tenensa
e de bels ditz,       senes failhensa;
de faitz grazitz       tenetz semensa;
siensa,
sufrensa
avetz       e coneissensa;
valensa
ses tensa
vistetz       ab benevolensa.

Na Beatritz, las melhors an enveya
de vostre pretz e de vostra beutat,
que gensa vos e·l don de Monferrat. 

Na Biatritz, vostre ric prez sobrier
salf Deos e gart, aisi com voill e qier,
e qi no·l vol sia desfaiz e morz,
q'a lui no plaz joi, solaz ni deporz. 

Lo rics pretz sobrecabals
de na Biatriz es tals
c'om no·l pot tot lauzan dire;
mas endreig d'amor vos dic
de mon Bel Cavallier ric
c'a mais de pretz, et es vers,
aissi n'ai' eu mos plazers!

Na Biatritz valens,
etz bella e plazens,
e·us donon pretz entier
dompnas e cavallier
e qui qe·us acompaing.
(...)

Na Biatritz, vostre bel cors cortes
e·il grans beutatz e·l fins pretz q'en vos es
fai gent mon chan sobre·ls meillors valer,
car es dauratz del vostre ric pretz ver.

(...)
quar tan pueia l'onors
de leis que sotzterra
lur pretz e·l sieu ten car,
qu'es flors
de totas las melhors,
na Biatritz; car tan lur es sobreira
(...)

La ciutatz s'ajosta
e fan murs e fossatz.
(...)
E·m pes
que·l filha del marques
n'aura dura josta;
(...)

Engles e Garsenda
e Palmeir' e n'Auditz,
n'Aud' e na Berlenda,
n'Agnes e n'Eloitz,
volon que lur renda
joven na Biatritz;
(...)

Maria la Sarda
e·l domna de sant Jortz
(...)
E sai
qu'a na Biatritz plai,
quar lurs reiregarda
non pot esser tan fortz
qu'esglai
lo sieu fin pretz verai.
(...)

La ciutatz se vana
de far ost en arrenc,
(...)
pueis ditz
que·l bela Biatritz
estai sobeirana
de so que·l comuns tenc
(...)

La ciutat se vueia
e movon lur carros,
(...)
De totas partz comenson a combatre;
na Biatritz cuidan de pretz abatre,
mas non lur val, s'eran per una quatre.
(...)

Na Biatritz monta
e va·s de pretz garnir:
ausberc ni porponta
non vol, e vai ferir
sel' ab cui s'afronta,
que pres es de morir;
(...)

Na Biatritz, be·m plai quar es estorta
a las vielhas, que·l vostres gens cors porta
pretz e joven, c'a lor proeza morta.
(...)

E trobera, ses falhensa,
dous frug d'onrada semensa,
e cort de valen senhor
ab un avinen trachor. 

Et enamoret de la serror del marques, que avia nom ma dompna Biatritz, que fo moiller d'Enric del Caret. E trobava de leis mantas bonas cansos. Et apellava la en sas cansos «Bels Cavalliers». E fon crezut q'ella li volgues gran ben per amor. 

Et per aiso l'apella[va] enaisi, qe a En Rambautz segi aital aventura, qe pozia vezer ma dompna Biatrix qant el volia, sol q'ella fos en sa chambra, per un espiraill; don neguns no·n s'apercebia.