Et namoret se de la comtessa de Vianes, filla del marques Guillem de Montferrat. 

De Salussa la bella N'Ainezina
fassa est clam a son entenedor,
la comtessa Biatritz, sa cozina,
si·l ve camjar en nuill' autra color. 

de Salussa no vuoil que n'Agnesina
mi retenga per son entenedor,
ni·l comtessa Biatritz sa cosina
de Vianes, ab la fresca color.

La comtessa prezans dompna de Vianes
Voil que prenda del cor, pos a bon pretz conques ;
E gart lo ben e gen per la vertut que·i es,
E penra·l tostemps ben, si·l gard’, en totas res.

Comtessa am cortezia,
largua e pros,
mas chansos
fauc e sian lai ab vos.

Una chanso sirventes
a ma dona trametrai,
c'anc pueis d'alres non pensai
pos parti de Vianes

Pros Comtessa, Dieus vos a faich gent don
de ben, de sen e de pretz ufanier,
e gardatz vos de brui de lausengier,
car grans sense es en luoc dire de non.

Be·m cujava que no chantes oguan,
si tot m’es grieu, pel dan qu’ai pres, e·m peza
que mandamen n’ai avut e coman
d’on tot mi plaz, de midons la Marqueza.
(...)
Dampnatge m’es quar no suy poderos
de lieys vezer, que ten mon cor en guatge,
et estau sai, don totas mas chansos
tramet ades, quar las vol, per uzatge
a Tot-mi-plaz, la belha d’aut paratge;
e plagra·m pauc chans, si per lieys no fos,
mas qui lieys ve ni sas plazens faissos,
no·s pot tener de joy ni d’alegratge.

En Tot-mi-plai, mout vos ai en coratge
et am vos mout, ses totas ochaizos
qu’apres midons res non am tan quan vos,
et es ben dregz qu’ilh n’aya l’avantatge.

D'amor mi plaing, mas de nostra marquesa;
sui mout iratz car la·ns tol Vianes.
(...)
Lo vers es faitz qui l’aprendia.
En Peirols vol que sabutz sia
en Vianes, on pretz non pot cazer,
que·l marquesa l’i fai ben mantener.