Text
Triplum
Quant se depart li jolis tans,
Que froidure revient,
Qu’oisel laissent leur chant,
Adonc me vient
Si grant
Talent
De chanter que faire un chant me couvient,
Quant de ma dame me souvient,
Qui mon cuer en joie tient.
Ja de li ne partirai,
Ains la servirai,
Et serai
Pour li jolis tant com je vivrai,
Car j’ai
Si tres grant deduit,
Quant je i pens jour et nuit,
Que de tant me puis je bien vanter
Que trop tart commenchai a amer.
Motet
Hé! cuer joli, trop m’avés laissié en dolour,
Dont ja n’istrai
A nul jour,
Bien sai!
Hé, Diex! dusqu’adonc que je vous ravrai?
Trop sui marie
De vou compaignie
Que je n’ai.
Biaus sire Diex, quant vous verrai?
Trop m’est tart
Que je vous revoie, se Diex me gart!
Jesus vous ramaint
Et si saint!
U je morrai a ce mot:
E! e! o! biaus dous amis, ore demorés vous tropl
Tenor: IN SECULUM