Text
Deduxans suis et joliette, s’amerai.
I
Ier matin me levai droit au point dou jour,
On vergier mon peire antrai ki iert plains de flours;
Mon amin plus de cent fois i souhaidai.
[Deduxans suis et joliette, s’amerai.]
II
J’amerai mon amin, ke proiét m’an ait;
Il est biaus et cortois, bien deservit l’ait;
Mon fin cuer mal greit peire et meire li donrai.
[Deduxans suis et joliette, s’amerai.]
III
Chanson, je t’anvoi a toz fins loialz amans,
Qu’il se gaircent bien des felz mavais mesdisans,
Car j’ain tant bien sai ke covrir ne m’an porai.
[Deduxans suis et joliette, s’amerai.]