La reyna de Tolosa eissamen
val sobr'autras si cum aurs sobr'argen.

La reina ses par
de Tolosa sap far
e dir so don s'enanssa
totz jorns e creis s'onranssa
(...)

Vas la bella N'Elionor t'enansa
Chansos, qu'en lieis pren bas pretz meilluransa;
Qu'eu te tramet a lieis per meillurar,
E se t'aizis, poiras segur anar.

Si·l reina no sofria
valor, del tot decharia,
Helionors, que regnan
ab honor, e si gardan,
meillura de pretz qec dia.

Taut sap de ben dir’e faire
la regina de bon aire,
Elionors, per q’es sos pretz cregutz
e qi·n ditz ben, vas totas partz crezutz.

La valens reina mante,
Elihonors, pretz e·l reve,
que·l genser et ab mays de be
es del mon e·l mielhs se capte;
et es mal crezens qui no cre
qu’ilh no sia·l genser c’om ve.