(...) Et enamoret se de la comtessa de Tripol, ses vezer, per lo gran ben e per la gran cortesia qu'el auzi dir de lieis als pelegrins que vengron d'Antiochia.

(...) E fo fait saber a la comtessa et ella venc ad el, al son leit, e pres lo antre sos bratz. E saup qu'ella era la comtessa, e mantenent recobret l'auzir e·l flairar, e lauzet que Dieu, que l'avia la vida sostenguda tro qu'el l'agues vista; et enaissi el mori entre sos bratz.

Et ella lo fez a gran honor sepellir en la maison del Temple; e pois, en aquel dia, ella se rendet morga, per la dolor qu'ella n'ac de la mort de lui.