E quar mentau duguessa ni regina
Que·l fezesson de lur amor aizina,
Venjes las en la pros comtessa fina 
De Proensa, on a tota valor.
(...)

Q'el mon non es duchessa ni reïna,
si·m volia de s'amor far aizina,
q'ieu la preses, ni la comtessa fina
de Proenssa c'om ten per la genzor;
(...)

Pros comtessa de pretz e de Proensa,
vos iest ses par de gentil captenensa 
e de beutat e de gent acuilhir 
e d'onratz fatz comensar e fenir.  

Que las dompnas valenz lo partran entre lor
et en loc de vertuz lo tenran per s'onor.
E midonz de Proenza, car a de pretz la flor,
prena·n premieiramenz e·l gart per fin'amor. 

Ies sa valors no m'oblida
de la comtessa grazida,
Biatris, ni sos bos senz
ni sos bels captenemenz.

Comtessa Beatris, gran be
aug de vos dir e retraire,
quar del mon etz la belaire
de las autras dompnas qu'om ve. 

Pros comtessa, on que sia,
Biatriz, puesc per ver dir,
que·l gensor dompn' es que·s mir
e pretz per melhor vos tria.

(...)
c'ancor non a gaire                                       
qe·il contessa de Proenza
diç qe per sa entendenza
eratz gais e chantaire.

Pro contessa que Proensa mante
e tot lo mal i fai tornar en be,
chaps etz de pretz e chaps de cortezia,
per qu'en val mais Savoi' e Lombardia!   

De la comtessa Beatris non poiria
tan de ben dir, que mais en lieis no·n sia,
qu'en lieis ha Dieus tan de ben ajustat,
com per part n'a a las autras donat.

Proensa, bel m'es,
car a mes
Savoia en vos totz bes
ab pros dompna gaia. 

N'Ugo, ges eu d'aisso no·us desdiria,
que ma domna Na Tiborcs tals non sia;
mas la comtessa ab toz faiz benestan
voill qe·i sia, que miellz s'acordaran. 

Vist hai, Bertran, pos no·us uiron mei oill,
En Gauaudan, na Saura e·n Aurien,
E Raimonda, cella de Rocafoill,
E la comtessa, demanderon m'en,
(...)

Pro comtesa mentaguda
de pres mentagut,
vols aves de pres cregut
Proens' encrecguda.

N'Audiartz, chascun dia
prec Dieu a rescos:
gart la comtes' e vos
e midons Na Maria
de lausengiers fellos. 

Na Biatritz, grazir
vos faitz a tota gen
ab entier pretz valen;
e, qui·n vol ben ver dir
de bel senblan, no·i men. 

La pro comtessa gaia
de Savoia, car gen
manten pretz e joven,
sal Dieus e sa lauzor
e Montferrat e·l marques mon seignor. 

De la contess'es puiada
sa lauzors,        Vaqueir, sobre las meillors
e·il colors          non encarzis obradors. 

Chanso, la comtessa valen
de Savoia, on fin pretz es,
me saluda, e·l pro marques,
e sapchas li ben dire
que·l genser es qu'en tot lo mon se mire. 

Comtessa, nulh mal cossire
non es, hom de vos cossir,
anz tenetz cort de servir
e de solatz e de rire. 

Comtessa Beatritz, per ver,
vostre fis pretz cabdueilla,
sobre totas sabetz valer,
e no·us pensetz que·m tueilla
de dir vostr'onransa,
frug d'onrada semensa,
e ges non ai duptansa
c'autra lauzors me vensa. 

En Sordel, e que·us es semblan
de la pros comtessa prezan?
que tug vaun dizen e guaban
que per s'amor es sai vengutz,
e cuiatz ans esser sos drutz
q'En Blacas, qu'es per leis canutz. 

En Jaufrez[et], si Dieus joi vos aduga,
ara prenetz d'aqetz dos partimenz:
tres gradaletz podetz aver d'eruga,
si·us abelis, [o] a totz jornz rendenz
Na Bïatris, Na Mabile e N'Uga,
qe chascun'es bella domn'e plazenz.
La qal razon tenretz per plus astruga? -
car eu sai ben qe totz hom conoiscenz
pot be·n chauzir lo miels, se·ls oils non cluga.