Guis de Cavaillon (...) fetz bonas tensons e bonas coblas d'amor e de solatz. E si crezet q'el fos drutz de la comtessa Garsenda, moiller qe fo del comte de Proensa, qe fo fraire del rei d'Aragon. (...)

(...) E N'Elias s'enamoret de la comtessa ma dompna Carsenda, moiller del comte, quant el fo mortz en Cesilia, e fez de leis suas cansos bellas e bonas tant quant ella visquet. (...)

La valens comtess' ha en se,
de Proencha, debonaire
cho don chascus es lauszaire
de fina valor de tot be.

A la valen comtessa de Proenssa,
car son siei fach d'onor e de saber
e·il dich cortes e·il semblan de plazer.

Comtessa, nulh mal cossire
non es, hom de vos cossir,
 anz tenetz cort de servir
e de solatz e de rire.

Pros comtessa, qui·l ver en vol retraire,
vos etz dona de pretz e de ioven
e guitz d’amor e caps d’ensenhamen.