Par la main a pris Ysabel,
pour qui ses cuers halete;
notant a la musete,
la tresche menoit Ysabiaus:
"Ci va la la duriaus duriaus,
ci va la la durete!"

Bele Ysabiauz, pucele bien aprise,
ama Gerart et il li en tel guise
c'ainc de folour par lui ne fu requise;
ainz l'ama de si bone amour
que mieuz de li guarda s'onour.

De bele Izabel ferai
un lai ke ja vos dirai.
Sa grant valor retrairai
et s'en chanterai;
ne l'oublïerai.

Deverz la coue vint
une rescousse grant,
Ysabel, ki ferir
lez vait de maintenant;
la sensecaucesse ausi
nez vait mie espargnant.

(...)

Ysabiauz tout errat
seur Aeliz descent,
de Monciauz la vaillant,
ki la fiance en prent;
seur un ronci trotant
l’en mena erraument.

(...)

Ysabiauz, che savon,
vint poignant en la plaigne,
ez lou fiert a bandon,
sovent crie s’ensaigne:
“Alom lour, Chastillon!”

(...)

Mout fu granz li fereïs
qui fu la;
Ysabiaus point de Marli,
Qui cria
“Dieus aïe”, maint coup prist
et douna.

(...)

Trestout le passet i vint
en conroi
Aelis de Rolleïz
au cors jai;
Climence point devant li
de Bruai,
Sezile vint tout a droit
se Compegni a desroi
et fiert Ysabel d’Ausnai,
qu’enmis les lor l’abatoit.

(...)

Agnès i vi venir
tost de Cressonessart,
Ysabiauz point ausi
qu’ist de Vilegaignart.