Na Tibors si era una dompna de Proensa, d'un castel d'En Blancatz qe a nom Sarenom. Cortesa fo et enseignada, avinens e fort maïstra; e saup trobar.

N'Ugo, ges eu d'aisso no·us desdiria
que ma domna Na Tibors tals non sia;
mas la comtessa ab toz faiz benestan
voill qe·i sia, qe miellz s'acordaran.

C'ab un esgart lansa
Qu'es gardatz de faillensa,
A pauc nom a semblansa
Na Tibortz de Proensa.