Par Deus, mha madr’, o que mi gran ben quer

diz que deseja comig’ a falar

mais doutra ren que omen pod’ osmar,

e ũa vez, se a vós aprouguer,

fale migo, pois end’ á tal prazer, 

e saberemo-lo que quer dizer

De falar migo non perç’ eu bon prez,

ca de sa prol i ren non falarei,

e el dirá e eu ascuitarei,

e ante que moira, ja ũa vez 

fale migo, pois end’ á tal prazer,

e saberemo-lo que quer dizer

Se vos prouguer, venha falar aqui

con mig’, ai madre, pois én sabor á,

e direi vos pois quanto m’ el dirá, 

e ũa vez, ante que moira ’ssi,

fale migo, pois end’ á tal prazer,

e saberemo-lo que quer dizer

Quiça quer mh ora tal cousa dizer

que lha poss’ eu sen meu dano fazer