Texto
Triplum
Diex! de chanter maintenant
Por quoi m’est talant pris,
Qu’au cuer ai un duel dont sui peris
Se cele que j’aim ne me soit confortans?
Et quant je remir et pens
A sa simplece
Et son semblant,
Son cler vis,
Ses ieuz dous regardans,
Il n’est mal qui me blece;
Por ce l’amera
Mes cuers, a son comant l’avra.
Or me doinst Diex que m’amor bien emploie!
Cele part vois, car tart m’est que la voie.
Motet
Chant d’oisiaus et fuelle et flors
Et tans joli
Mi font ramembrer d’amors,
Si que je ne pens aillors
Qu’a vos, amis.
Tant avés, ce m’est avis,
Biauté et valour et pris
Que vostre serai toudis
Sans nule mesproison.
Qui donrai je mes amors,
Douz amis,
S’a vos non?
Ja vers vos ne faussera
Mes cuers qui a vos s’otroie;
Por bien amer avrai joie
Ou ja nule ne l’avra.
Tenor: IN SECULUM