Yölenz de Cailli
vait premierz assambler;
Margerite d'Oisy
muet a li pour jouster;
Amisse au corz hardi
li vait son fraim haper.

(...)

Une route vont de la
tout errant,
Adeline ki "Nantuel"
vait criant
avouec la senescauchesse
Yölent.

(...)

Aeliz lez mainz li tent,
au fraim la prent
hastement
od sa compaigne,
Aelis "Montfort" criant,
cele au cors gent,
qui la descent,
oument k'il praigne,
et si hostage Yölent
mout bounement,
ki de noient
ne s'i desdaigne:
el n'est paz d'Alemaigne.

(...)

De la prohece Yölent
vous diré:
tost a son elme fermé,
de seur morel l'abrievé
prist l'escu eschequeré,
puceles fait arouter
parmi les prez;
lances porter
lor a fait cent.