Lo Dalfins d'Alverne si era drutz d'una dompna d'un son castel, et avia nom dompna Maurina. Et un dia ella mandet al baile del Dalfin qe·ill des lart ad ous frire, e·l baile si l'en det un metz bacon. E lo vesqes lo saup , e fetz n'aqesta cobla, blasman lo baille car no·il det lo bacon tot entier e blasman lo Dalfin que l'o feisetz dar metz:

Per Crist, si·l servens fos meus,
d'un cotel li dar[i]'al cor,
car fez del bacon partida
a lei qe li·l qeri tan gen.
Ben saup del Dalfin lo talen,
qe s'el plus ne men no·i meses,
a la gauta li dera tres:
mas pos[c] en ver dire,
petit ac lart Maurina a·ls ous frire.