Quant la tose entalentee
vi de fere mon voloir,
maintenant l'en ai levee
sus le col du palefroi;
si l'enportai en l'aunoi,
estroitement acolee,
et ele s'est escrïee
au plus haut qu'el onques pot:
"He, esveille toi, Robin,
car on en maine Marot".

Ier matin pensis chevauchai;
lez une saucoie
pastorel chantant trovai,
demenant grant joie.
Cors avoit gent et avenant,
crins reluisant
et oeill riant;
si disoit: "O dorenlot,
diva, Marot
au cors mignot,
si mar t'amai.
Je l'avrai
ou je morrai;
l'amor de li mar l'acointai".

Si com li chantoit ensi
de Marot la bele,
par aventure l'oï
une damoisele.
Ses chanz li plot, vers li torna;
si l'esgarda
et enama;
ai li dit: "O dorlotin!
Diva, Robin,
mignot Robin,
tes eus mar regardai.
Se cist maus ne m'assoage je morrai".

(...)

Que que cele ensic Robin
embrace et acole,
es vos Marot au cuer fin,
qui se tient por fole.

Quant ele l'oï se desconforter,
tantost vint a li sanz demorer,
qui lors les veïst joie demener,
Robin debruisier et Marot baler!

N'a pas Marot mes Marie,
cele a non que represent;
Marot l'ame mesmarie,
Marie en fet Dieu present.

Texto 1:

Chascun lo
qu'il l'aint et lot.
O, (o, o, o, o, o)
n'i a tel dorenlot.
Por voir, tout a un mot,
sache qui m'ot,
mar voit, mar ot
qui lait Marie pour Marot.

Estrofa que se repite en seis ocasiones.

Texto 2:

"O, o, o, o, o, o,
dorenlot!"
Si chantot,
mult li avenoit:
"O, o, o, o!"
Et a chascun mot
souvent regretot
sa conpaignete Marot.

Pastorel
es un boschel
trovai seant,
qui por s'amïete,
bele Mariete,
s'aloit dementant;
car laissié l'avoit,
si l'amoit
autrui que lui, con folete.