Ainc la deïtés n'enpira
de quanck'il fu laidis,
mais au tierç jour resuscita
li tres dous Jhesucris.
Trois Maries en lamentation
li porterent sainte unction.
Uns angles blans vestis
ert assis sus:
si dist: "Jhesus
li dous est surrexis".

Cascune gent esleecha
s'ont el moniment pris
le drap, de coi l'envolepa
Joseph d'Arimatis;
as disciples en fist demoustrison
Marie en boene entention.
Cascun fu esjoïs;
nus n'en fus esjoïs;
mais plus et plus
l'ont dit par le païs.