(...) En Gui si era canorgues de Briude e de Monferran, e si entendet longa saison en Na Malgarita d'Albuison et en la comtessa de Montferan, don fetz maintas bonas cansos.(...)

(...) mas ma dona Marguarita d'Albusso, si lo fes alegrar en chan, qu'ela·ill dis tan de plazer e·ill mostret tan d'amoros semblan, per qu'el s'enamoret d'ea e la pregua d'amor. (...) Mas ella si amava N'Ugo de Lasigna, qu'era fils de N'Ugo lo Brun, del comte de la Marcha (...).

A Na Margarita·m coman,
N'Elias, cum a la meillor,
que jutge·l plait et eu sia aunitz
s'ieu plus non am midonz que sos maritz. 

Na Margarita, beutat e joven
avetz, e pretz e cortesi'e sen;
e s'ai trop dich de l'autra'a lei d'irat,
de vos ai dich trop meins de la vertat.

(...) Don el anet a ma dona Maria de Ventadorn et a ma dona la comtessa de Monferran et a la vescomtessa d'Albusso.