Mantel, de sen, de pretz e de beutat
e de joven vos vei tan gen onrat,
que sai ne son mantas domnas enigas.

Mantel, plus qu'enperials
es, qu'en vos non a ren fals,
or ni tessel ni fonda ni peno,
ni mais ni meins no-i cove per razo.

Mantel, qui partis engalmens
vostres adreitz chaptenemens,
cent dompnas en pogra garnir.

Mantel, vos es lo meiller guarnimens
e-l plus onratz, c'anc formes nuilla gens.

Mantelh, qui aital n'abria,
ben er cregutz quals qu'o dia,
qu'anc no-l conques per aur ni per argen,
mas per valor e per pretz e per sen.

Mantel, s'ieu ai fag folatge,
car ai chauzit en las gensors
en cela, que mais vol Valors,
a tort en penrai dampnatge.

Lial, Miravalh e mon chan
tenh de mon Mantelh derenan
e sospir quar no-l sui denan,
tant ai del vezer gran talan.
Pero non triguara guaire
qu'a mon Audiart no-m n'an.

Mantels, non etz de presset ni de saia,
mas de valor et de beutat veraia.