Bertrans de Born si era drutz de ma dompna Maeutz de Montaingnac, de la moiller de Tallairan...

Bertrans de Born si era drutz d'une domna gentil e jove e fort prezada, et avia non ma domna Maeuz de Montaingnac, moiller d'En Talairan, qu'era fraire del comte de Peiregors; et ella era filla del vescomte de Torena e seror de ma dompna Maria de Ventadorn e de N'Elis de Monfort. E, segon qu'el dis en son chantar, ela·l parti de si e·il det comjat, don el fo·n tristz e iratz, e fez razo que ja mais no la cobraria, ni autra non trobava que fos tan bella ni tan bona ni tal plazens ni tan enseingnada.

En Richartz e·N Jaufres si s'entendion en la domna d'En Bertran de Born, Na Maeuz de Montaingnac, e·l reis N'Anfos d'Arragon, e·N Raimons, lo coms de Tolosa. Et ella los refudava totz per En Bertran de Born, que avia pres per entendedor e per castiador. 

Bertrans de Born si fo acomjadatz de soa dompna, ma dompna Maeutz de Montaingnac, e no·ill tenc pro sagramenz ni esditz qu'el fezes en comtan ni en chantan qu'ela volgues creire qu'el non ames Na Guiscarda. 

Bells-Seinher, truanz,
Seres, si no·us dol
La mieus danz.

Bels-Seigner, eu no·us qier al
Mas que fos tant cobeitos
D'aquesta cum si de vos ;
(..)

Per saludar torn entre·ls Lemozis
Cellas qui ant pretz cabau.
Mos Bels-Seigner e mos Bels-Cembelis
Qieiron oi mais qui las lau ;
Q'ieu ai trobat del mon la plus certana
E la genssor c'om mentau ;
(...)

La cobla donde se encuentra la mención es considerada espuria por algunos autores.