(...) Et el s’en parti e si s’en anet a la duchesa de Normandia, qu’era joves e de gran valor e s’entendia en pretz et en honor et en bendig de lausor. E plasion li fort las chansos e·l vers d’En Bernart, et ella lo receup e l’acuilliu mout fort. Lonc temps estet en sa cort, et enamoret e d’ella et ella de lui, e fet z mantas bonas chansos d’ella. Et esta ab ella, lo reis Enrics d’Engleterra si la tolc per moiller e si la trais de Normanda e si la menet en Angleterra. En Bernartz si remas de sai tristz e dolentz (...).

(...) Et el s’en issi e s’en anet en Normandia, a la dukessa q’era adonc domna dels Normans, et era joves e gaia e de gran valor e de prez e de gran poder, et entendia mout en honor et en prez. Et ella lo receub con gran plaiser e con grant honor e fo mout alegra de la soa venguda e fetz lo seingnor e maistre de tota la s[o]a cort. Et enaissi con el s’enamoret de la moillier de so seingnor, enaissi s’enamoret de la duchessa, et ella de lui (...).

E un jorn venc lo cavaliers a la duguessa e entret en la cambra. La dona, que·l vi, leva adonc lo pan del mantel e mes li sobra·l col, e laissa si cazer e[l] lieg (...).

Peire Joglars si avia grans mals ditz de la veilla reïna d’Englaterra, la quals tenia Font-Ebrau, que es una abadia on se rendon totas las veillas ricas. Et ella lo fetz ausire per paraula del rei d’Arragon (...).

Et ac un fill, que ac per moiller la duquessa de Normandia, don ac una filla que fo moiller del rei Enric d'Engleterra, maire del rei Jove e d'En Richart e del comte Jaufre de Bretaingna.