Car val plus e conois e sen
Na Joana d’Est ez enten,
Voil segon lo dreit juge cals
Deu on dir d’amor, ben o mals.

Na Joana·l rics ressos 
         e·l pretz bos,
          qu'es de vos,
  fai lo nom d'Est cabalos.

Na Joana d’Est agenza
A toz los pros, ses faillenza,
Per q’eum voil ab los pros tenir.

Na Johana, pretz et jais
Vos guid’eus capdel’e us pais,
Donna, e, s’eu en son gais,
Non en meravelies vos
Col plus marit fas joios.

«Arnaldon, per Na Johana
Val mais Est e Trevisana
E Lombardi’e Toscana;
Car, segont c’aug als bons dir,
Ill es de pretç soverana;
Per q’ieu en terra lontana
Farrai son bon pretç audir
Los set jors de la setmana».
 

«N’Arnalt, ben floris e grana
Jois e pretz ab Na Johana;
K’el munt non es Catalana
Tant jent sapcha fair e dir;
K’il es cortes’et umana
Mais de nulla crestiana;
Per q’eu fai son pretç bruzir
Tot dreit lai part Chastellana».