Dame, tu es Avé per san
et Eva fut nos anemis;
tu es porte de paradis
et c'es li boissons Moÿsen:
Jheremie en trais a tesmoing.
Cinq mille ans et neuf cent de loing
davant vos et aprés Adam
dist ke aincor vainroit li hons
ki nos metroit hors de prixon.

Texto 1:

Dame, par Evain
fumes vain;
mais par vos avon le pain
don nos somes plain
de grace et de joie.

Texto 2:

Par vous est sauvee
la gens esgaree
de la grant tristor
dont nous mist Eve en errour
par sa folour
et em plour.

Chanter m'estuet de cele sans targier
qui de mer est luissans estoile clere.
Servir la doit chascuns de cuer entier,
car fors nos mist de la tormente amere
ou mis nos ot Adans, no premier pere:
le fruit manja par Evain, sa moilier,
que deus li ot desfendu a mangier;
s'en cheïmes trestuit en grant misere,
quant de li fist li douz Jhesus sa mere.

Ce fut l'ente ou crut li fruiz
dont deable fu souduiz
qui toz nous avoit destruiz
par le forfait d'Evain.
Eve a mort toz nous livra
par son forfait;
Marie nos delivra:
par li sons tot refait.

Par le fruit fu li premiers plors,
quant Eve fist Adan pechier;
mes qui dou bon fruit veut mengier,
Dieu aint et sa mere et son non,
cil quiaudra le fruit de saison.

Quant voi le ciecle escorlorgier
le fiz aprés le pere,
ne remaint clerc ne chevalier
n'autre qui ne.l conpere:
le mors Adam, qui trabuchier
nos fist par Eve, sa moillier,
ne nus a, qui ne pere.

Tu es la rose nouvele
q'onques fuelle ne perdis
mes en tous tans reverdis.
Quant tu oïs la nouvele
que li fils Dieus en s'ancele
vendroit, tu t'en esperdis.
Li angres dist: "Virge bele,
fille et mere Dieu t'apele".
Le pechié d'Eve tersis,
quant devenis Dieu ancele.

Cil en la virge s'aombra
ki sire estoit de paradys.
Onques de rien ne l'enpira;
virge fut et virge ert toudis.
De li nasqui Dieus Jhesuscris;
virge conchut, virge enfanta.
El lieu dont Eva nous osta
nous a ceste dame remis.

Li premiers hons fu jadis,
au commencement,
getés hors de paradis
par droit jugement,
Eve, sa fame, ensement;
quar la pomme deffendue
prist et puis si l'a tendue
au premier parent,
sur commandement,
nete comme argent,
clere com argent.
Dieus gart huy toute bonne gent!
Par Eve fu close a tort
la porte du ciel;
mes li piteus, li tres dous
plus assez que miel,
c'est li souvrains Dieus sans fiel,
son ange a la virge envoie,
pour ce qu'ele est humble et coie,
nete comme argent,
clere com argent.
Dieus gart huy toute bonne gent!

Dame par qui estainz fu li meffaiz
qu'Eve avoit fait, qui trop s'estoit meffaite,
a ton douz filz par ta douceur m'afaite
des grans pechiez dont vers lui sui meffaiz.

Mis ier(e)
Adanz et si fil
en essil,
quant a Dieu les afaitas.
Fait as
la pais du meffait
qu'Eve out fait,
virge qui Dieu aleitas.
Touz biens fust touz tens en seve
s'Eve
tant n'eüst mespris.
Bien pris
fumes tuit a la feve.
Eve,
par tens eschevez
sans chevez
en jut Dieu pour ses amis.
Se mis
n'en fust en un fust,
chascun fust
en enfer ars et remis.

Entendez tuit ensemblë, et li clers et li lai,
le salu nostre dame; nus ne set plus douz lai.
Plus douz lais ne puet estre qu'est Ave Maria;
cest lai chanta li angres, quant Dieu se maria.
Eve a mort nous livra et Eve porta vé;
mais touz nous delivra et mist a port: Avé!

Repetición de los dos últimos versos al final de cada una de las 12 estrofas.

Avé, se tu ne fusses, touz li mons fust dampnez;
mais Dieus t'ut pourveüë, ainz que fust Adan nez,
pour saner la grief plaie dont Eve nous navra. (verso 57)
Qui ne t'aimme et honneure ja l'amor Dieu n'avra.

Por ce qu'Eve fu tant ose
qu'en la pome morst hadis,
trois mile anz ou plus fu close
la porte de paradis.

Mout nous troubla
cele que Deus forma:
nom ot Eva.
Par li estiens dampné.
Par la bonté
la vierge en sainteé
Deus en pitié
la letre retourna;
avant mist 'a'
et aun daerrain 'vé'.
Pour Eva dit "Avé",
par quoi somes sauvé
et d'enfer rachaté;
Cil avé nous sauva.

Quant Dieus ot formé l'omme a sa semblance,
li maus soudoainz qui le vout traïr
le fist par Evain rompre obedïence
et mengier dou fruit qui le fist perir.

"Quant li rossinoil jolis
chante seur la flour d'esté",
c'est li chans seur quoi j'ai mis
le dit que je ai trouvé
de celi qui recouvré
nos a le saint paradis
de quoi nos fusmes jadis
par Evain desherité.
Ceste dame nos a mis
de tenebres en clarté.

Ciel et terre et mer et vent,
pensés de glorifïer
cele qui si grant mestier
ot a nostre sauvement,
quant par le conseil volage
d'Evain, ou li anemis
s'estoit par envie mis,
dedenz la prison ombraige
au soudoiant avresier
couvenoit chascuns plungier.

Certes, qant Eve out fet le forfet
et le mal tret,
par qoi tuit estion mort fet,
ele nos fist aïe.

(...)

Eve trestout le mont confondi,
je le vos di;
mes la mere Dieu respondi
por la nostre partie.

La lur amors es bona, e non greva:
Quar, si falhi premeiramen Na Eva,
(...)

Era veiatz de lor amor, si greva:
qe·ill primieira sap hom que fo na Eva,
que fetz a Dieu rompre covenz e treva,
(...)

«-Senher, Na Eva trespasset
Los mandamens que tenia,
Et qui de vos me castia
Aitan se muza en bavet».

Qu'anz que·l vostre bels cors ioyos
nasques, era establida
morz a quascun qu'el segle fos,
quar l'avia merida
Eva, tan fon ardida,
quar tenc a lieu 
lo dig de dieu,

(...)

Per Eva e per son peccat
era tota gens morta;
mas per vostra virginitat
es uberta la porta
Eva per via torta
nos aduys mort,

(...)

Ev'autreyet, quar li fon belh,
al diable bauzia,
e vos al angle Gabriel
la vera prophecia.
Eva ac nom l'enemia;
el contradig
segon l'escrig
ditz hom: "ave" Maria.
tot so qu'Eva desvia,
maire de dieu,
"ave" torn' en la via.

Dieus fe Adam et Eva carnalmens,
Ses tot pechat, l'un ab l'autre ajustar
(...)