Et amet per amor ma domna N'Azalais de Mercuor, moiller de N'oisil de Mercuor, que fo filla d'En Bernart d'Andusa, d'un onrat qu'era de la marqua de Proensa. Molt l'amava e la lausava e fetz maintas bonas cansos d'ella. 

Dompn’ Alazaitz, tant vos fasetz lauzar
A tot lo mon c’a mi non cal parlar:
     Mas ja Dieus no·m don ben d’amor,  
     S’ieu non am plus bell’e meillor.

Pons de Cabdueill amet, si com avetz auzit denan, ma dona N'Alazais de Mercuer, - moiller d'un gran comte d'Alvernhe, e fo filla d'En Bernat d'Anduza - e fo molt amtaz per ela. (...)

Et el, com fols que no·s recre tro qu'a pres lo dan, comensa si a lonhar de ma dona N'Alazais et a traire se a ma dona N'Audiartz et a dire ben d'ela. (...)

Ma dona N'Alazais, quan vit que Pons de Cabdueill, qu'ela avia tant amat et onrat, s'era lonhatz d'ela (...)

Pons de Cabduelil anet dompnejan per Proensa longua sazo e fugen a las honors de ma dona N'Alazais. (...)

Ni aquesta no·ill valc re eisamen, que ma dona N'Alazais lo volgues tornar en grassia ni volgues creire qu'el se fos lonhatz de leis per proar si ela en seria alegra ho no, si el se partis d'ela. (...) E si las amenet a Mercuer a ma dona N'Alazais clamar merce.