Quant vient en mai, que l'on dit as lons jors,
que Franc de France repairent de roi cort,
Reynauz repaire devant el premier front.
si s'en passa lez lo mes Arembor,
ainz n'en dengna le chie drecier a mont.
e Raynaut amis!

Bele Erembors a la fenestre au jor
sor ses genolz tient paile de color
[...]

Li cues Raynauz en monta lo degre,
gros par espaules, greles par lo baudre;
blonde ot lo poil, menu recercele:
en nule terre n'ot si biau bacheler.
voit l'Erembors, si comence a plorer.
e Raynaut amis!

Li cuens Raynauz est montez en la tor,
si s'est assis en un lit point a flors,
dejoste lui se siet bele Erembors.