I
Bêle Aiglentine en roial chamberine
devant sa dame cousoit une chemise,
ainc n'en sot mot quant bone amor l'atise.
or orrez ja
conment la Bele Aiglentine esploita.

III
« Bêle Aiglentine, deffublez vo sorcot,
je voil veoir desoz vostre gent cors. »
« non ferai, dame, la froidure est la morz. »
[...]

IV
« Bêle Aiglentine, q'avez a empirier
que si vos voi palir et engroissier? »
«ma douce dame, ne le os puis noier:
je ai ame un cortois soudoier,
le preu Henri, qui tant fet a proisier.
s'onques m'amastes, aiez de moi pitié. »
[...]

V
« Bêle Aiglentine, vos prendra il Henris? »
« ne sai voir, dame, car onques ne li quis;»
«Bêle Aiglentine, or vos tornez de ci.
tot ce li dites que ge li mant Henri,
s'il vos prendra ou vos lera einsi. »
«volentiers, dame,» la bêla respondi.
[...]

VI
Bele Aiglentine s'est tornee de ci
et est venue droit a l'ostel Henri.
H quens Henris se gisoit en son lit.
[...]

VII
« Sire Henri, velliez vos ou dormez?
ja vos requiert Aiglentine au vis clerc
se la prendrez a moullier et a per, »
«oil» dit Henris «onc joie n'oi mes tel»
[...]

VIII
Oit le Henris, molt joianz en devint:
il fet monter chevaliers trusqu'a vint;
si enporta la bele en son païs
et l'espousa, riche contesse en fist,
grant joie en a
li quens Henris quant Bele Aiglentine a.