Contesse a droit la doit on apeler
de Tot Valoir et de tot avenant.
S'outrageus fuit de hautement penser,
souvent me vient mes biaux forfais devant.

Douce dame, contesse, chastelaine
de Tout Valoir, qui sevrance m'iert griez,
si est de vous conme de la seraine
qui par son chant a pluseurs engigniez:
n'en sevent mot, se.s a si aprochiez
que ses douz chanz leur navie mal maine;
ne se guetent, se.s a en mers plungiez.
Et s'il vous plest, ausi sui perilliez.

...

Ha Deus, dame, cist moz me ent la vie!
Biau sire Deus, conme il est precïeus!
Sanz cuer m'en vois el raigne de Surie;
o vous remaint, c'est ses plus douz ostieus.
Dame vaillant, conment vivra cors tieus?
Se le votre ai adés en conpaignie,
adés serai plus joianz et plus preus;
pour vostre amour serai chevalereus.