Text
P. Duran
I
Midons qui fuy, deman del sieu cors gen
qu'es devengutz; e deman l'atressi
son ien parlar e - no·l pes si lo·l di -
qu'es devengut son bel aculhimen,
ni qu'esdeven son pretz ni sa cundansa
ni qu'esdeven son ient anar en dansa
ni qu'esdeven sa graissa q'ie·l vi be
ni qu'esdeven son ien cors pus no·m ve.
II
E! Ia·l m'an tout siei malvat garnimen,
armas e draps e cavals e rossi;
e·l sieu flac cors c'anc non si desnoiri
ni cavalguet, ni garni ni reten;
aco m'a tout lo sen e la membransa
e·l gen parlar e·l bordir e l'enfansa,
e·l sieu mal grat - e·ls mals aibs c'a en se -
m'a tout mon grais ab son malvat ale.
III
Mais Ii deman de son lach cors que ten
on l'a trobat ni·l rechinhar can ri
ni·ls huelhs ronsar ni la guarda guari,
ni on trobet tans aibs dezavinen(s)
ni on trobet sel pieitz ab grossa pansa
ni on trobet aitan de malestansa
ni on trobet lo lach cuer c'omz Ii ve
ni on trobet aitans enuetz can te.
IV
E! Ia·l trobey ab un torneiamen
on richinhey can mos amicx fugi,
e·ls huelhs ronsiei denan l'ueis del moli
que·l vi triar la farina del bren;
engruysiei de dol e de pezansa
que·l vi cazer son escut e sa lansa;
e·l cuer ai ner car se toquet ab me
- totz los mals aibs ai de luy, per ma fe.
4 coblas unissonans.