Texto
Triplum
Je ne quier mais a ma vie
Soulete le bois passer,
Car mes amis n’i est mie,
Qui tant mi souloit amer
Et servir et honourer;
Dieus! si n’i pourroie mie
Longuement sans li durer.
Eimi, Dieus, lasse!
De li me vient trop grief pansé,
Si ai tres bien esprové
Que la riens qui plus me grieve,
C’est li mal d’amer.
Motet
Dieus! trop mal mi pert que j’aie amé,
Quant parmi le bois ramé
Mon ami n’ai encontré,
Qui m’avoit ci ajourné.
Eynmi, Dieus! li mals d’amer
Peinne mi fait endurer
Ci tout droit
La ou je tieng mon doit;
Lasse! de li mi vient
Trop grief pansser;
Bien me doit peser
Quant il mi couvient
Soulete le bois passer.
Tenor: MISIT