E si s’enamoret d’una joven dompna gentil d’Albiges, qe avia nom ma dompna Aimengarda de Castras. Bela era e cortesa et avinens, et enseingnada e gens parlans.

(...)

E la dompna en la qal En Raimons entendia, ma domp[n]a Aimengarda, si tolc marit un gentil baron d'aqelas encontradas, qe avia nom Oliviers de Saisac. Don Miravals venc a gran dolor et a gran tristesa, per la dompna q'el ac perduda e per la moillier.

Mas ara vos dirai com N’Alazais de Boisazo l’enguanet, et un’autra apres qu’era sa vezina, c’avia nom N’Esmenjarda de Castras, e ïll dizia hom «la Bela d’Albugues». (…) N’Aimenguarda si era d’un bor quez a nom Castra, moiller era d’un ric vasvasor qu’era fort de tems.

(…)

Dig vos ai de N'Alazais de Boisazo com enguanet Miraval e·l traï et ausis si mezeissa. Et aras vos vueill dire com N'Aimenjarda de Castras, la cals era dicha «la Bela d’Albugues» -si com ieu vos ai dig en autre luec- l'enguant e·l trai.

N'Aimenjarda de Castras saup com N'Alazais de Boisazo l'avia enguanat e traït. Si mandet per Miraval, et el venc (...)

(...)

E la dona avia sen e saber e cortezia, e saup guazanhar amicx et amiguas.