Mon Tort-n'avetz mant, s'a lieys platz,
qu'aprenda lo vers, s'il es bos;
(...)

Lo vers tramet e vuelh que si prezen
mo Tort-n'avetz, si·l plau que·l denh auzir,
que totz lo mons li deuri'obezir,
quar mai que tot vol bon pretz mantener.

(...) e chant mais per mon Tort-n'avetz,
quar trop dechai
tot quan uey sai, (...)

Bastart, tu vay
e porta·m lay
mon sonet a mon Tort n'avetz (...)

Mon Tort-n'avetz en Narbones
man salutz, si tot luenh s'estai,
e sapcha qu'em breu la veyray,
si trop grans afar no·m rete.

Lo vers mi porta, Corona, 
lai a midons a Narbona,
que tuih sei faih son enter,
c'om no·n pot dire folatge.

Era cridaran
aquist drut truan
qu'esperars te dan;
mas qui bes ames
e melhs esperes,
mehls for'avenhatz,
ja fos enganatz.
Er'o demandatz
midons de Narbona! 

(...) Et estet cum N'Ainermada de Nerbona; e quant ella mori, el se rendet a Bragairac e laisset lo trobar e·l cantar.

(...) E venc s'en a Narbona, en la cort de ma domna Ermengarda, qu'era adoncs de gran valor e de gran pretz.

Ioglar, vos c'avez cor gai
ves Narbona portez lai
ma chanso a la fenida
leis cui iois cabdell'e quida.

Als comtes mand en Proenssa
lo vers e sai a Narbona,
lai on pren iois mantenenssa
segond aqels per cui reigna,
et ieu trob sai qi·m reteigna:
tal dompna don sui amaire
non ies a la lei gascona;
segon las nostra amam.