E ja del plus no·us prejarai
qu'ans si' en la vostra merce:
retenetz me — que be·us eschai —
e conoissetz qu'autra ni me
no am tan, per la fe qu'eu dei
a la pros Marqueza gaia
de Menerba, a cui soplei,
quar es sa valor veraia.
 

Tot quant es de joven
e de ric pretz valen
 te la Marquez' aders
 de Menerba sai jos,
si c'a pauc entre nos
no pueja sos valers;
e sospir quar no·l sui denan,
qu'enemiguas en blan,
e pueis de lai no·m n'eschai gratz
no·m n'atanh sai enemistatz.