En may, quant florissent prey
et rose est novele,
chevauchoie lez un blé
tot une sentele.
Lors vi une pastorele,
qui grant joie demenoit
et chantoit:
"Margueron, honie soit
qui de bien amer recroit!"

Marguerons a escoutey
cele qui l'apele.
Cist chanz li vint mult a grey;
de joie en sautele.
Lors vit une autre donzele,
qui chapel de flour faisoit
et disoit:
"Margueron, honie soit
qui de bien amer recroit!"