Texto
Per amor soi gai,
E no·m n'estrairai
Aitan quan viurai,
Na Cors Covinen.
I
Eu·m levei un bon mati enans de l'albeta;
Intrei m'en en un vergier per cuillir violeta,
Auzi un chan
Bel, de luenh, gardan,
Trobei gaia pastorela sos anhels guaran.
II
«Dieu vos sal, Na Pastorela, color de rozeta.
Fort me meravill de vos com estaitz soleta.
Bliaut vos farai,
Si penre·I vos plai,
Menudet cordat ab filetz d'argen.»
III
«Per fol vos ai, cavalier, e plen d'auradura,
Quar vos de mi demandas, so don non ai cura.
Pair'e maire ai,
E marit aurai,
E, si a Dieu plai, far m'aun ornamen.
IV
A Dieu, a Dieu cavalier! que mon paire·m crida,
Qu'ieu lo vei la jus arar ab bueus sel'artigua.
Que semenam blatz;
Cuillirem n'asatz,
E, si acaptatz, dar vos em fromen».
V
E quant el l'en vit anar, met se apres ela,
Pres la per la blanqua man, gieta l'en I'erbeta;
Tres vetz la baizet,
Anc mot non sonet,
Quan venc al quartet: «Senher, vos mi ren!».
Cinco coblas singulars y cuatro versos de cinco sílabas de respós. La rima b es fija en -en (menos en la primera cobla, donde aparece -an, quizá debido a un error de transmisión). En las coblas IV y V la rima c es asonante.
Aunque la edición base es la de Audiau, hemos adoptado la estructura estrófica de Riquer (como el mismo Audiau sugiere también en su edición).