Texto
I
Ein man verbiutet ein spil âne pfliht,
des im nieman wol gevolgen mac.
er giht, wenne sîn ouge ein wîp ersiht,
si sî sîn ôsterlicher tac.
Wie waere uns andern liuten sô geschehen,
solten wir im alle sînes willen jehen?
ich bin der eine, derz versprechen muoz:
bezzer waere mîner frowen senfter gruoz.
dâ ist mates buoz.
II
"Ich bin ein wîp, ein wîp dâ her gewesen
sô staete an êren und ouch alsô wol gemuot:
ich trûwe ouch noch wil wol genesen,
daz mit selkem stelne nieman keinen schaden tuot.
Swer aber küssen hie ze mir gewinnen wil,
der werbe ez mit vuoge und ander spil.
ist, daz ez im wirt iesâ,
er muoz sîn iemer sîn mîn diep und habe imz dâ
und lege ez anderswâ."