I
Went ir hoeren, einen gemellîchen strît,
hât ein alter man mit sînem wîbe.
vil dicke greif er nider unde zuht ein schît.
si sparch: "trutz, diu rede von iu belîbe.
Ir hânt mir leides dicke vil gesprochen:
ich sach iuch ein âbenttückelîn begân;
ein tumber gouch, daz ist noch ungerochen.

II
Mîn alter man der zürnet und ist ime leit,
ob ich einen jungen gerne minne.
doch dar umbe lâze ich niht, in sî gemeit.
ich hân an in bewendet mîne sinne,
Daz ich dur sîn grînen nien enlâze.
stôze eht ich in vor mir ûz, waz wirret daz,
Lìt ein alter griusinc an der strâze?

III
Got der sende an mînen leiden man den tôt,
daz ich von dem ülven werde enbunden!
selker vlüeche waer mir zallen zîten nôt.
solde ein wîp vor leide sîn verswunden,
Daz waer ich vor einem halben jâre.
ich beswenke in lîhte, daz ers niene weiz.
enruoche eht er, wie tûze ich mich gebâre."

IV
Got gebiete mîner vrouwen, daz si sî
senftes muotes und ân argen willen!
zwâre, ê ich ir laege lasterlîchen bî,
ê liez ich mich schérn únde villen.
In gesach nie wîp mit senfter' güete.
sî sol dur mich lâzen, daz ir laster sî:
ich enkan ir anders niht gehüeten.