Dompn’ Alazaitz, tant vos fasetz lauzar
A tot lo mon c’a mi non cal parlar:
Mas ja Dieus no·m don ben d’amor,
S’ieu non am plus bell’e meillor.

De totz chaitius son eu aicel que plus
ai gran dolor e soffri greu turmen,
(...)
pois morta es ma domna N'Azalais.

(...)

Deus, quals dans es de midonz N'Azalais!
Non puosc als far mas de tot joi m'en lais,
e pren comjat de chansos derenan;
que plaing e plor e maint coral sospire
am mes mon cor en angoissos martire.

Et amet per amor ma domna N'Azalais de Mercuor, moiller de N'Oisil de Mercuor, que fo filla d'En Bernart d'Andusa, d'un onrat baron qu'era de la marqua de Proensa. Molt l'amava e la lausava e fetz maintas bonas cansos d'ella. E tant quant ella visquet non amet autra; e quant ella fo morta, el se croset et ana outra mar, e lai mori.