Bele Yolanz en ses chambres seoit
d'un boen samiz une robe cosoit;
a son ami trametre la voloit.
En sospirant ceste chançon chantoit:
"Deus, tant est douz li nons d'amors,
ja n'en cuidai sentir dolors.
Bels douz amis, or vos voil envoier
une robe par mout grant amistié.
Por Deu vos pri, de moi aiez pitié".

(...)

Li siens amis entre sos braz le prent;
en un biau lit s'asïent seulement.
Bele Yolanz lo baise estroitement;
a tor françois en mi lo lit l'estent.
"Deus, tant est douz li nons d'amors,
ja n'en cuidai sentir dolors.