Text
Triplum
Je sui jonete et jolie:
S’ai un cuer enamoré
Qui tant mi semont et prie
D’amer par jolïeté
Que tuit i sunt mi pensé.
Mes mon mari ne set mie
A qui j’ai mon cuer doné:
Par les sains que l’en deprie,
Il morroit de jalousie,
S’il savoit la verité.
Mes, foi que je doi a Dé,
J’amerai!
Ja pour mari ne lairé:
Quant il fait tout a son gré
Et de mon cors sa volenté,
Del plus mon plesir feiré.
Motet
Hé, Diex! je n’ai pas mari
Du tot a mon gré:
Il n’a cortoisie en li
Ne joliveté!
Jone dame est bien traïe,
Par la foi que doi a Dé,
Qui a vilain est baillie
Pour faire sa volenté;
Ce fu trop mal devisé.
De mari sui mal païe:
D’ami m’en amenderai,
Et se m’en savoit mal gré
Mon mari, si face amie,
Car, voelle ou non, j’amerai!
Tenor: VERITATEM