Chanter voel par grant amour
une chansonnete humaine;
si chanterai en l'ounour
de Marie Magdalaine,
a qui nostre Salveour
delaissa par sa douchour
les pechiés dont estoit plaine.

Ele ot biau braz, un cors si tres gent,
baz chaucement
et puis va si doucetement
conme une Magdalaine.
L'amor n'est pas vilaine,
qui ensi nos demaine,
ne ja por nule paine
n'ert qu'el ne soit certaine.