Canter m'estuet, quant contesse m'en prie,
Mais merveille ai coment ie puis canter ;
Car mes faus cuers de le mort me defie,
Ke la me fait ou ie ne doi penser,
Et d'amors k'a en soy grant esperanche :
Mais mieus le doi nomer outrecuidanche ;
Car ie ne sai ou prendre le siervise,
Dont doie avoir si grant honor conquise.

[...]

Contesse, en vos a tant biens demoranche,
Ke, s'on partoit honors a le vaillanche,
En vos duist iestre corone d'or assise ;
Mais se chi n'est, el chiel vos soit promise !