-Thiebaus, amors est il comencemens
D'akerre honor, je l'os dire por oir,
Et li mestiers est si abelixans,
Ki i est pris, il ne s'an puet movoir.
Li grans Cesar, qui tant ot de pooir,
Amors lou fist venir a son servaige
Por la belle plaixant, au cler visaige,
Cleopatras, ke tant fist a loeir.
Por ceu di je c'amors n'ait point de peir.
Je ferai ceu ke ma dame me prie :
Amors lou vuelt et volanteit l'otrie.