En Guillem a facha,
de Lodeva gacha
de valor antracha,
per qu’ieu s’onor gach,
Belh Ray — be fag.

Suffrensa,
valensa
a·n Guillem de Lodev’ab si,
qu’ofensa
no·s pensa
mar al Belh Ray qu’am mais de mi.

Mom Belh Ray a
ta veraya
beutatz qu’om non cre,
sol que l’aya
vista, n’aya
 tan lunh’autra re.

Guillem a valor
de Lodev’e cortezia,
e·l Belh Ray franquor;
qu’ieu gays per s’amor
estia.
Ben dey chantar gayamen
pus ay tan gay jau[zimen].